|
 |
Հայտարարություններ
Հայտարարություն N-4
«Չորրորդ իշխանության» 9-ը հունվարի 2007թ. համարում Ա. Աբգարյան ստորագրությամբ
«Վամպիրների դիմակահանդեսը» շարունակելի հոդվածի կապակցությամբ
Ազատագրական պայքարի երեսնամյա մեր փորձառության մեջ «Չորրորդ
իշխանության» նմանօրինակ քայլը նորություն չէ. այն, նախ և առաջ, պայմանավորված է
Հայաստանում և Հայաստանի նկատմամբ տարածաշրջանում առաջիկայում ընթացող
աշխարհաքաղաքական և ներպետական, հանրության համար դեռևս լիովին
չբացահայտված խմորումներով, նպատակ հետապնդելով կանխավ անվանարկել
հայրենասիրական ուժերից մեկին, ըստ իրենց ենթադրությունների` առաջիկայում նրա
հնարավոր գործունեությունը կանխարգելելու տրամաբանությամբ:
ԱՍԱԼԱ-ի նկատմամբ սույն դիլետանտական մակարդակով սարքված ակնհայտ
սադրանքը, վստահաբար, «Չորրորդ իշխանության» կողմից ներկայացվել է նրան
ֆինանսավորող ու թելադրող ուժերի կողմից, այլապես, եթե դա միայն անգիտակցության
կամ սեփական ուժի նկատմամբ վստահության պակասի դրսևորման պատճառով եղած
լիներ, առնվազն չէր դրսևորվի նման մանր խուլիգանական մակարդակով:
Ուստի` զգաստության ենք հրավիրում «Չորրորդ իշխանության»
պատասխանատուներին, որ ազգային գերագույն նպատակների և այդ ուղղությամբ
զոհաբերվող ազատամարտիկների նկատմամբ չգտնվեն անսկզբունք և անհարգալից:
«Ուխտ Արարատի», Հայաստանի ազատագրության հայ գաղտնի բանակի /ASALA/
ազատամարտիկների և նախկին քաղբանտարկյալների միությունը կոչ է ուղղում հայ
լրագրությանը, որ աչալրջությամբ և զգոնությամբ վերաբերվի նորագույն ազատագրական
պայքարի ռահվիրա կազմակերպության` ՀԱՀԳ Բանակի կերտած ավանդի նկատմամբ:
«Ուխտ Արարատի», Հայաստանի ազատագրության
հայ գաղտնի բանակի /ASALA/ ազատամարտիկների
և նախկին քաղբանտարկյալների միություն
22-ը Հունվարի 2007թ.
|
